Telerau ac Amodau
Mae'r gwasanaeth ar-lein hwn yn galluogi unigolion i gadarnhau eu hunaniaeth. Yn y dyfodol, efallai y bydd gwasanaethau a nodweddion ychwanegol yn cael eu hychwanegu.
Trwy ddefnyddio'r gwasanaeth hwn rydych yn dynodi eich bod yn derbyn y telerau ac amodau hyn ac yn cytuno i gadw atynt.
Yr Asiantaeth Trwyddedu Gyrwyr a Cherbydau (DVLA), asiantaeth weithredol yr Adran Drafnidiaeth, sy'n berchen ar y gwasanaeth hwn ac yn ei reoli.
Archwiliadau ac Adolygiadau
Mae DVLA yn cadw'r hawl i gynnal archwiliadau ac adolygiadau o'ch cydymffurfiad â thelerau'r gwasanaeth hwn, a byddwch chi'r cwsmer yn cytuno i gydymffurfio'n llawn ag unrhyw archwiliad neu adolygiad o'r fath.
Terfyniad
Mae DVLA yn cadw'r hawl i dynnu'r gwasanaeth hwn yn ôl ar unrhyw adeg a heb rybudd ymlaen llaw.
Parhad y gwasanaeth
Lle bo hynny'n bosibl, bydd DVLA yn defnyddio ymdrechion rhesymol i sicrhau nad oes unrhyw doriad mewn parhad y gwasanaeth a dim ond pan fydd angen y bydd yn gwneud newidiadau. Mae'n bosib y bydd angen toriad i'r gwasanaeth ar adegau lle mae angen gweithredu uwchraddiadau hanfodol i'r gwasanaeth.
Ymwadiad
Nid yw DVLA yn derbyn cyfrifoldeb nac atebolrwydd am unrhyw golledion neu gosbau a achosir o ganlyniad i'ch defnydd o unrhyw gysylltiadau neu ddibyniaeth ar gynnwys unrhyw wefan neu dudalennau gwe y mae'r gwasanaeth hwn yn gysylltiedig â hwy.
Mae hyn yn cynnwys colli:
- incwm neu refeniw
- busnes
- elw neu gontractau
- arbedion a ragwelir
- data
- ewyllys da
- eiddo gweladwy
- gwastraffu amser rheolwyr neu swyddfa
Mae gwefannau neu dudalennau gwe y mae'r gwasanaeth hwn wedi'i gysylltu atynt at ddibenion gwybodaeth yn unig.
Nid yw DVLA yn rheoli, yn cymeradwyo, yn noddi neu'n cadarnhau cynnwys ar wefannau neu dudalennau o'r fath, ac eithrio lle nodir fel arall.
Nid yw DVLA yn derbyn cyfrifoldeb nac atebolrwydd am unrhyw golledion neu gosbau a achosir o ganlyniad i'ch defnydd o unrhyw gysylltiadau neu ddibyniaeth ar gynnwys unrhyw wefan neu dudalennau gwe y mae'r gwasanaeth hwn yn gysylltiedig â hwy.
Cwcis
Trwy ddefnyddio'r gwasanaeth hwn a chytuno i'r telerau ac amodau hyn, rydych chi'r cwsmer yn cytuno y bydd DVLA yn casglu gwybodaeth sy'n berthnasol at ddefnydd y gwasanaeth hwn. Darllenwch y polisi cwcis am ragor o wybodaeth.
Diogelu rhag feirysau
Bydd DVLA yn gwneud pob ymdrech i wirio a phrofi deunydd yn ystod pob cam o'r broses gynhyrchu. Fodd bynnag mae'n rhaid ichi, y cwsmer, gymryd eich rhagofalon eich hun i sicrhau nad yw'r broses yr ydych yn ei defnyddio yn eich gwneud yn agored i'r perygl o feirysau, cod cyfrifiadurol maleisus neu ffurfiau eraill o ymyrraeth a allai ddifrodi eich system gyfrifiadurol chi.
Nid yw DVLA yn derbyn cyfrifoldeb am unrhyw golled, amhariad neu ddifrod i'ch data neu'ch dyfais a all ddigwydd wrth ddefnyddio deunydd sy'n deillio o'r gwasanaeth hwn.
Feirysau, hacio a throseddau eraill
Os byddwch chi, y cwsmer, yn camddefnyddio'r gwasanaeth hwn trwy gyflwyno feirysau, trojans, mwydod, bomiau rhesymeg neu ddeunydd arall sy'n faleisus neu'n dechnolegol niweidiol yn fwriadol, neu yn ceisio cael mynediad heb awdurdod i'r gwasanaeth neu unrhyw weinydd, cyfrifiadur neu gronfa ddata sy'n gysylltiedig â DVLA, neu'n ymosod ar ein gwasanaeth trwy ymosodiad gwrthod gwasanaeth neu ymosodiad gwrthod gwasanaeth wedi'i ddosbarthu, byddech chi'r cwsmer yn cyflawni trosedd o dan y Ddeddf Camddefnyddio Cyfrifiaduron 1990. Bydd DVLA yn rhoi gwybod am unrhyw doriad o'r fath i awdurdodau gorfodi'r gyfraith berthnasol a byddwn yn cydweithredu â'r awdurdodau hynny trwy ddatgelu pwy ydych iddynt hwy.
Hawlfraint ac atgynhyrchiad
Mae'r deunydd sydd ar y gwefan hon yn destun diogelu hawlfraint y Goron oni nodir yn wahanol. Darllenwch dudalen hawlfraint y goron am ragor o wybodaeth.
Nid oes gennych chi'r cwsmer ganiatâd i addasu'r wybodaeth, bydd unrhyw gais i wneud hynny yn cael ei ystyried fel toriad o'r telerau ac amodau hyn.
Mae'r enwau, delweddau a logos sy'n dynodi DVLA yn farciau sy'n berchen i DVLA. Ni chaniateir copïo logos DVLA a/neu unrhyw logos trydydd parti eraill a gyrchwyd drwy'r safle hwn heb ganiatâd blaenorol wrth y perchennog hawlfraint priodol.
Newidiadau
Mae DVLA yn cadw'r hawl, yn ôl ei disgresiwn, i wneud newidiadau i unrhyw ran o'r gwasanaeth hwn, y wybodaeth, neu'r telerau ac amodau hyn ar unrhyw adeg. Pe bai DVLA yn newid y telerau ac amodau hyn, bydd copi wedi'i ddiweddaru ar gael ar y dudalen hon.
Toradwyedd
Os bydd unrhyw un o'r telerau ac amodau hyn yn annilys, yn anorfodadwy neu'n anghyfreithlon am unrhyw reswm, bydd y telerau ac amodau sy'n weddill yn parhau i fod mewn grym llawn er hynny.
Os bydd DVLA yn ildio unrhyw hawliau sydd ar gael iddi o dan y telerau ac amodau hyn ar un achlysur, nid yw hyn yn golygu y caiff yr hawliau hynny eu hildio yn awtomatig ar unrhyw achlysur arall.
Digwyddiadau y tu hwnt i reolaeth DVLA
Nid yw DVLA yn derbyn unrhyw atebolrwydd am unrhyw fethiant i gydymffurfio â'r telerau ac amodau hyn lle mae methiant o'r fath yn ganlyniad i amgylchiadau y tu hwnt i'w rheolaeth resymol. Os bydd DVLA yn ildio unrhyw hawliau sydd ar gael iddi o dan y telerau ac amodau hyn ar un achlysur, nid yw hyn yn golygu y caiff yr hawliau hynny eu hildio yn awtomatig ar unrhyw achlysur arall.
Cyfraith lywodraethol
Bydd y telerau ac amodau hyn yn cael eu llywodraethu a'u dehongli yn unol â chyfreithiau Cymru a Lloegr. Bydd unrhyw anghydfod sy'n codi o dan y telerau ac amodau hyn yn destun awdurdodaeth unigryw Llysoedd Cymru a Lloegr.